अश्या ह्या बायका

खालुन आत्ता भाजी घेवुन येते म्हणणारी बायको अर्धा-पाऊण तास झाला तरी घरी उगवत नाही याची काळजी वाटायला हवी की भुकेल्या पोटी पित्त खवळले पाहिजे ?

उगवली शेवटी येकदांची.

"कुठे होतीस इतका वेळ ? "

"खालच्या मजल्यावर एकाकडे एक आजीबाईं छानशी गाणी ऐकुन दाखवत होत्या, लिफ्टमधुन वर येतांना ते ऐकु आले, मग .. "

पुढचे वाक्य ऐकायला राजाभाऊ थांबतात कशाला ? ते पोचले तडक  तिसऱ्या मजल्यावर. त्यांच्या फर्माईशी ऐकुन त्या अनोळखी आजींनी त्यांना चारपाच गाणी ऐकवली. 

या वयात देखिल कोणतीही साथ नसता येवढी सुरेल गाणी !, गळाही लताच्या जातीचा.

मजा आली.