"आपले सहप्रवास आपले सामान तर मागे विसरुन जात नाही आहेत ना ? लक्ष ठेवा." बस, ट्रेन मधील या सुचनेचा तंतोतंत अंमल माझ्या एका स्नेह्याने करायचे मनावर घेतले.
संध्याकाळी मुंबईहुन पुण्याला जाताना ट्रेन मधे त्याच्या बाजुला सरदारजींचा भला मोठाला ग्रुप बसला होता. लोणावळ्याला ते सर्व उतरले. एक बॅग मागे राहिली होती.
दोस्ताने मोठ्यामोठ्याने सर्वांना विचारले. "ये बॅग किसका है?"
एका सरदारजीला त्याने सांगितले, बहुदा तुमच्यापैकी कोणीतरी ही विसरुन गेलेला असावा. सरदारजीने ही असेल आपल्यापैकी कोणाचीतरी हा विचार केला व बॅग घेवुन तो खाली उतरला.
तळेगाव जवळ आले तसे बाजुच्या डब्यातुन एक प्रवासी आला. विचारु लागला.
"माझी बॅग कुठे आहे, येथे तर ठेवली होती, गेली कुठे ?
तेव्हा परोपकार करतांना जरा जपुनच.
No comments:
Post a Comment