कितीतरी दिवसांनी

कितीतरी दिवसांनी चांगल्या कथा वाचत असल्याचे समाधान मिळते आहे, वाचनालयात "नवल " दिवाळी अंक जो मिळाला, एवढ्या प्रतिक्षेनंतर.

कितीतरी दिवस कमल देसाईंच्या कथा वाचुया वाचुया विचार करत होतो, आज वाचनालयात "रंग " हाती लागले.

कितीतरी वर्षे नाशिकला जावु, नाशिक फिरु, सुला वाईनरीमधे जावुन वाईनचा आस्वाद घेवु म्हणतोय.  जाण्याची वेळ जवळ येत चालली तसा प्रश्न पडु लागला ,गाडी चालवायचीय तर  पिऊन कसे चालेल ?

कितीतरी दिवसांनी आज रात्री अ‍ॅपल पाय खाल्ला, मस्तपैकी. पार्ल्याच्या भटकंतीत नेहरु रस्तावरचे "लोफर " जे सापडले. वरती रात्री आठ नंतर ३० % सवलत. व्हॅनीला आईसक्रीम सोबत हवे होते.

कितीतरी दिवस की कितीतरी वर्षे एरॉस मधल्या "सनडान्स " मधे जेवायला गेलेलो नाही, सबळ कारण काहीच नाही.