शिवसागर

 साहेबांनी जरी मस्करीत सांगितले असले तरी पण राजाभाऊंनी साहेबांचे सांगणे भलतेच मनावर घेतले दिसतेय.

काल रात्री त्यांच्या सुपुत्राने एरॉस चित्रपटगृहाच्या शेजारी असलेल्या "शिवसागर " मधे त्याने खाल्लेल्या "भाजीडोसा" बद्दल सांगितले. मग काय आज संध्याकाळी राजाभाऊंची तेथे हजेरी. या छोटेखानी उपहारगृहात चर्चगेटला कार्यालय असतांना कैक वेळा जाणे व्हायचे किंवा रजेच्या दिवशी कामावर असतांना येथुन खाणे मागवले जायचे.

आज पुन्हा जुन्या आठवणींना उजाळा.  एक डोसा दोघां मिळुन खाल्ला पण पोट नाही भरले मग गाडी दुसरीकडे वळली. ह्या "शिवसागर" च्या समोरच एक बहावचे झाड आहे. बहरायला अजुन अवकाश दिसतोय.

मग येथुन "गेलॉड " च्या केक शॉप मधे. असेच काहीतरी खायला.  ह्यांचे केक मस्त असतात जे घरातील जवळजवळ प्रत्येक वाढदिवसाला कापले गेले आहेत. यांचे ब्रेड ही चांगले असतात.  बाहेर बसुन खाण्यासाठी चांगली व्यवस्था आहे. ह्यांच्या आतल्या रेस्टॉरंट मधे का कोण जाणे पण राजाभाऊ एकदाच गेले होते. परत एकदा कधीतरी जायला हवे.