रगडा आणि पॅटीस

 राजभाऊंनी आज अगदी विचार केला पक्का. 

नेहमी नेहमी, सतत आपण त्यांनाच का निवडत असतो ? बास झाले हे आता. कंटाळा आला. दुसऱ्या कोणत्यातरी पर्यायाचा विचार केला पाहिजे. काही तरी नवीन पाहिजे.

आता बदल घडवुन आणायचाय आणायचा हा निर्धार करुन मग राजाभाऊ आज रात्री पोचले कुलाब्याच्या "सुफरा " मधे , आखाती देशांचे खाणे खाण्यासाठी.

हं. 

आपण नविन निवड केली खरी पण ती महाग नाही ना पडणार या विचाराने, शंकेने त्यांचे मन डोलायमान झाले. त्यांनी आपला विचार बदलला.अरे गड्‍या आपुले जुने तेच बरे करत मग ते पोचले कुलाब्याच्या "कैलाश पर्बत "मधे, रगडा आणि पॅटीसच्याी युतीची चव घेण्यासाठी.

खातांना मग त्यांना कळुन चुकले, आता बदल हा हवाच, हाच आपला निर्णय किती योग्य होता तो. जुन्यामधे आता पुर्वीसारखा दम नाही राहिला. रगडा तर नकोसा झाला होता.

तरी त्यांना त्यांच्या एका स्नेह्यांनी येथल्या दर्ज्याबद्दल सावध केले होते. पण केवळ "जुन्या काळासाठी " तरी , एकदा तरी येथे खाण्यास जावुया केवळ हाच विचार तेथे राजाभाऊंना घेवुन गेला होता.

Repost.