हे ही रुप खरे आणि ते ही रुप खरे

रेल्वेस्थानका बाहेर लागलेली रिक्षावाल्यांची रांग.

रिक्षाचालकांपाशी "चकाला ? " , "चकाला ? " , "चकाला ? "  हा एकच शब्द बोलत पुढे सरकत रहायचे, मधे एखादा चुकुन तयार झाला तरी देखिल.  कारण त्यांचा नकार गृहीत धरलेला.

त्यांची मर्जी असेल तर आपण आज लवकर नशिब खुलले करुन खुष व्हायचे.

शिवनेरीचा प्रवास. मुंबईत चेंबुर, सायन येथे बसचा वेग प्रवासी उतरविण्यासाठी थांबायला कमी झाला की केवळ त्यांचीच वाट पहात उभे रहाणारे रिक्षाचालक बसचालकाला हात करुन त्यांच्या जवळ बस उभी करण्याची विनंती करत असतात.

बस मधुन प्रवासी उतरले की उतरले मग त्यांना लाचारभावाने विचारत रहातात , " मुलुंड ? " , " बांद्रा? ".