गरमागरम मुग डाळीची भजी

 नवरात्रात महालक्ष्मीच्या देवळात जायचे ते केवळ औपचारिकता म्हणुन. हे असे राजाभाऊंचे लहानपणापासुनचे मत. मुख्य आकर्षण मंदिर परिसरात भरलेल्या जत्रेचे.

देवीचे दर्शन घ्यायचे , देवळाच्या मागे खडकांवर जाणे, तेथल्या हॉटेलमधे गरमागरम मुग डाळीची भजी, चिंचेच्या गोड गोड चटणीत बुडव बुडब बुडवुन खाणे, परततांना जत्रेतील स्टॉलमधे पिपाणी, तलवार, ढोलकी घेणे, लहानसहान इतर खेळणी घेवुन घरी परतणे.

आज राजाभाऊ त्याच ओढीने जत्रेला गेले, फोटो काढायचे म्हणुन.

जत्रेतील स्टॉलची जागा गायब. अफाट गर्दी, भाविकांसाठी मंडपामुळे जत्रा आकसलेली. मन खट्टु झाले.

मग तुका म्हणे त्यातल्यातात. काही नाही तर चिंचाबोरे तरी खाऊ.