देशी असो वा विदेशी .... तुम्ही बोला मराठी

परवाला पुण्यात झालेल्या ब्लॉगर्सच्या स्नेहमेळाव्यात "मराठी आठवडा संयोजन समिति " चे २१/०२ (जागतिक मातृभाषा दिन )ते २७/०२ (जागतिक मराठी दिन ) या कालावधीत सर्वांनी "मराठी आठवडा" साजरा करावा या संबंधीचे पत्रक मिळाले.

आजच्या महाराष्ट्र टाइम्स मधे वाचनात आले की "राज्याचे मंत्री, प्रशासकीय प्रमुख, विभाग प्रमुख यांनी सरकारी, सार्वजनीक कार्यक्रमात शक्यतो मराठीतच बोलावे, इतकेच नव्हे , तर परदेशी सरकारी पाहुणे , प्रतिनिधी यांच्यांशीही दुभाष्यामार्फत मराठीतून संवाद साधावा, असा आग्रह राज्य सरकारच्या सांस्कृतिक धोरणाच्या मसुद्यात धरण्यात आला असुन त्यामुळे सरकारी वर्तुळात नवा वाद उभा ठाकण्याची चिन्हे आहेत. या मसुद्यावर मंत्रिमंडळाने मंजुरीची मोहर उमटल्यानंतर , महाराष्ट्र दिनी, १ मे रोजी "सांस्कृतिक धोरण " जाहीर केले जाईल."

जर का सरकारची हा मसुदा स्विकारण्याची तयारी असेल तर त्यांनी १ मे ऐवजी २७/०२, जागतिक मराठी दिनाचे औचित्य साधुन , या दिवशी ते जाहिर करावे.