कै.प्रकाश इनामदार

कै. प्रकाश इनामदारांची आज अचानक आठवण झाली. मी त्यांना प्रत्यक्षात पाहीले ते मुंबई विद्यापिठाने दोन तिन वर्षापुर्वी आयोजलेल्या तमाशा वरील चर्चासत्रात. तीन दिवसाचा हा कार्यक्रम होता, चर्चा, प्रात्याक्षिके इ.

चर्चा सुरु झाली. भाग घेणाऱ्यांमधे अनेक नामावंत तमासगीरांबरोबर काही मान्यवर शास्त्रीय नॄत्यांगना देखील होत्या. त्यांच्या मधल्या एकीने चर्चेचा असलेला विषय सोडुन दुसरेच भलते विषय सुरु केला, संबंध नसलेले प्रश्न विचारुन कलावंतांना गोंधळात पाडायला सुरवात केली, मग त्या उत्तरे देतांना अडखळु लागल्या.

अश्या वेळी प्रेक्षकांत बसलेले कै. प्रकाश इनामदार चटकन उठुन स्टॆज वर गेले. त्यांनी मोजक्यात समर्पक, चपखल शब्दात नुसतेच शंकानिरसनच केले नाही त्याच बरोबर तर घसरलेली गाडी क्षणाधार्थ रुळावर आणली व पुढचे चर्चासत्र सुरळीत पार पडायला मदत केली.

त्या वेळी त्यांच्या समयसुचकतेने, त्यांच्या या कृतीने, त्यांच्या अभ्यासु वॄत्तीने मी खुपच भारावुन गेलो होतो.

इतक्या कालावधीनंतरही हा प्रसंग आठवतो.

वेळ सावरायची असेल तर अशीच.