राजाभाऊ निघाले जव्हारला

हट्ट म्हणजे हट्ट म्हणजे हट्ट असतो.
नवऱ्याचे काहीएक न ऐकण्याचा निश्चय असतो

आधीच हट्टी म्हणजे हट्टी म्हणजे हट्टी स्वभाव असतो
त्यात नवऱ्याने डोक्यावर चढवुन ठेवलेले असते
भरीस भर म्हणजे काकीच्या चमचीची, पुतणीची मिळालेली साथ

आपल्या लग्नात आपला सासऱ्याने सुटकेचा सोडलेला निश्वास
आपला सासरा एवढा खुष का याचे त्यावेळी न उलगडलेले कोडे
आज अचानक झालेला साक्षात्कार.

वादविवादात जिंकण्याचा एक निष्फळ प्रयत्न.
तिने आपल्या प्रत्येक युक्‍तीवादाचे केलेले खंडन.

वानप्रस्थापनात कितव्या वर्षी जायचे असे शास्त्रात लिहिलेले आहे ?
त्याआधी राजाभाऊ जव्हारला जायला निघाले आहेत.