त्यांने सांगितले आहे कीं,

त्यांने सांगितले आहे कीं,
"सद्ध्या मी शोधतो आहे -

प्रियांगु वेलीत तुझी देहलता,
बावरलेल्या हरिणीच्या नयनात तुझी बावरी नजर,
पुनेवेच्या पुर्ण चंद्रात तुझे सुंदर मुख,
मयुराच्या फुललेल्या पिसाऱ्यात तुझा काळाभोर केशकलाप,
आणि नदीच्या जलाच्या हलक्याशा लहरीत तुझे तरल भ्रुविलास.

प्रेमातिशयाने कृतककोपानें
रागवलेल्या
अशा तुझे चित्र
इथल्या मातीच्या रंगाने काढुन
त्यांत
तुझ्या चरणासमीप पडलेल्या
अशा माझें चित्र मी काढु पहातो
तेवढ्यात सतत वहाण्याऱ्या माझ्या अश्ऱुंनी
माझीच द्र्ष्टी धुसर होते !
चित्र अधुरे रहाते !

हाय !
कृर निर्दयी काळाला
त्या चित्रात सुद्द्या
आपले मिलन सहन होउ नये ना ?

सुप्रसिद्ध लेखक, अनुवादक श्री. ज्ञानेश्वर कुलकर्णी यांनी अनुवाद केलेल्या कालीदासाच्या मेघदुत मधुन साभार। कश्चितकांता - मराठी मेघदुत ।