राजाभाऊ, तुमचे काही खरे नाही. गडवाल, पोचमपल्ली, मुंगा सिल्क, टसर, कांथा, आदिवासी कलाकुसर, कोसा सिल्क, गाठझोरा, पटोला, पानेतर, चिंतामणी, कसुरी वर्क, चंदेरी , महेश्वरी, पैठणी, बोमकाई, संबळपुरी, बंधेज, कांजीव्रम, तनछोई, जामदानी, जामावार, बालुचारी, तांगाईल, काय काय म्हणुन घ्याल ? पुढे काही बोलुच नका. तुम्हाला कुठुन दुर्बुद्धी सुचली आणि आपल्या बायकोला या प्रदर्शना बद्द्ल सांगितलेत ? भोगा आता आपल्या कर्माची फळे. जीवाला घोर आणि खिश्याला चाट. तुम्ही आणि तुमचे मोठले तोंड. आवरा कधी तरी आवरा.
त्यात परत घरातच लग्नकार्य, एक तरी चांगली साडी नको काय ? लोक काय म्हणतील ?
प्रदर्शनात पहिली फेरी मारुन झालेली आहे, सर्व काही न्याहाळुन , मनाशी आराखडे, खुणगाठ बाळगुन झालेले आहे, काय काय व किती पर्यंत खरेदी करायचे ते सर्व काही जवळजवळ ठरलेच आहे.
सिल्कच्या खास उत्पादनाचे, साडयांचे, ड्रेस मटेरीयलचे, "सिल्क फॅब " हे सर्वोत्तम प्रदर्शन जागतीक व्यापार केंद्र, कफ परेड, मुंबईत सद्या भरले आहे. याचे प्रायोजक आहेत विकास आयुक्त , हातमाग, व राष्ट्रीय हातमाग विकास महामंडळ, भारत सरकार.
सबंध देशातुन येथे कारागीर आपली कला समर्पण करण्यासाठी आलेले आहेत, तेव्हा देर किस बात की ? शुभच्छ शिघ्रम.
पैसा खतम होने के बाद मे जो होना है देखा जायेगा. गॄहस्वामीनी खुश तर घर खुश.
No comments:
Post a Comment