ह्या ३१ डिसेंबरच्या रात्री

 पोट नुसतं तुडुंब भरलयं. आकंठ खाणे झाले आहे ह्या ३१ डिसेंबरच्या रात्री. अगदी, अगदी.

नुसती सुस्ती येवुन राहिली आहे. रात्रीचे टीव्हीवरचे कार्यक्रम बघण्यासाठी जागे रहाणे नकोसे झाले आहे. आईसक्रिम मागवण्याचा बेत तहकुब केला आहे. नाही म्हणजे तसा उदयपुरवरुन मागवलेला "मलई घेवर" सारा संपुन गेला आहे.

काळेकाकुंनी आज जरासा आगळावेगळा बेत केला, काय ते नेहमीचेच जेवण. आज जरासा खासा बेत. 

Waldof Salad.

Mashed Potato.

Chutany Sanadwich.

दिल खुष झाले. पण तेवढे "Potato Leek Soup" सुप करायचे राहिले.  असं कसं राहिले असे जर का विचारलेच असते तर रात्री १२ वाजता फुटणारे फटाके आठ वाजताच फुटले असते. 

नविन वर्षाला करीन म्हणाली आहे खरी. बघुया उद्याचे उद्याला.