Begum Akhtar

http://www.urdupoetry.com/

Ghazals sang by Gazal Queen

ishq mein Gairat-e-jazbaat ne rone na diyaa , varnaa kyaa baat thii kis baat ne rone na diiyaa
aap kahate the ke rone se na badale.nge nasiib,umr bhar aap kii is baat ne rone na diiyaa
ronevaalo se kahdo un kaa bhii ronaa ro le ,jin ko majabuuri-e-haalaat ne rone na diiyaa
tujh se milakar hamein ronaa thaa bahut ronaa thaa ,tangi-e-vaqt-e-mulaaqaat ne rone na diiyaa
ek do roz kaa sadamaa ho to ro le 'Faakir' ham ko har roz ke sadamaat ne rone na diiyaa

- Sudarshan Faakir

ab chhalakate hue saaGar nahii dekhe jaate ,taubaa ke baad ye manzar nahii dekhe jaate,
mast karake mujhe auro.n ko lagaa muu.Nh saaqii, ye karam hosh me.n rah kar nahii.n dekhe jaate
saath har ek ko is raah me.n chalanaa hogaa, ishq me.n rahazan-o-rahabar nahii.n dekhe jaate
ham ne dekhaa hai zamaane kaa badalanaa lekin,un ke badale hue tevar nahii.n dekhe jaate

-Ali Ahmed Jalili

ai muhabbat tere anjaam pe ronaa aayaa,jaane kyo.n aaj tere naam pe ronaa aayaa
yuu to har shaam ummiido mein guzar jaatii thii , aaj kuchh baat hai jo shaam pe ronaa aayaa
kabhii taqadiir kaa maatam kabhii duniyaaa kaa gilaa, manzil-e-ishq me.n har gaam pe ronaa aayaa
jab huaa zikr zamaane me.n mohabbat kaa 'Shakeel' mujh ko apane dil-e-naakaam pe ronaa aayaa

- Shakeel Badayuni

mere chehare se Gam aashkaaraa nahii,ye na samajho ke mai.n Gam kaa maaraa nahii.n
Duubane ko to Duube magar naaz hai, ahl-e-saahil ko ham ne pukaaraa nahii
yuu dikhaataa hai aakhe.n hame.n baagbaa, jaise gulashan pe kuchh haq hamaaraa nahii
zikr-e-saaqii hii kaafii nahii.n ai 'Fanaa' , bepiye maikade me.n guzaaraa nahii.n

- Fana