"येणार आहेत " , "येणार आहेत" ,’ बसलेले आहेत ( बसलेले ??) "जागा अडवणॆ

टिळक स्मारक, पुणॆ. औध मधल्या एका संस्थेने केलेल्या भरतनाटयमचा कार्यक्रम.

सभागृह खचाखच भरलेले. अगदी दोन्ही बाजुला प्रेक्षक नृत्य पहायला उभे

. पोहोचायला अंमळ उशीर झाल्याने राजाभाऊ व त्यांच्या बायकोला पण उभे रहायला लागले.

मग थोड्यावेळाने सभागॄहात नजर फिरवली तर अनेक खुर्च्या रिकाम्या दिसल्या.

खुर्च्या रिकाम्या आणि तरीही बापुडे प्रेक्षक उभे ! हे गौडबंगाल काय आहे ?

रिकाम्या खुर्चीत बसायला गेलो तर बाजुच्यांनी त्या अडवुन ठेवलेल्या. "येणार आहेत " , "येणार आहेत" ,’ बसलेले आहेत ( बसलेले ??) ".

कार्यक्रम सुरु होवुन तास भर झाला तरी "येणार आहेत, बसलेले आहेत ? " .

या लॉडनी जागा अडवुन ठेवाव्यात, बाजीरावांनी मग हवे तेव्हा यावे, न यावे व इतरांनी उभ्याने कार्यक्रम पहावा.

राजाभाऊंनी शेवटी खुर्च्यांवर कब्जा केला.