मेलूहा द फर्न

 कमाल आहे. "मेलूहा द फर्न " नामक एखादे हॉटेल अस्तित्वात आहे ह्याचा शोध राजाभाऊंना अगदी कालपरवाच लागला. 

संध्याकाळी आधीच भुकेने अतिक्रमण केलेले, त्यात परत साकीनाका, चांदिवली येथला ट्रॅफीक जॅम. 

"Tiara , All Day Dinning " ह्या त्यांच्या रेस्टॉंरंटमधे प्रवेश केल्याकेल्या मन एकदम प्रसन्न होवुन गेले. प्रशस्त जागा आणि उत्तम अंतर्गत सजावट.

गेल्यागेल्या राजाभाऊंनी आपला मोर्चा "सुप"कडे वळवला.  सुपचे नाव काही आता लक्षात नाही पण एक मात्र खरे की ते पितांना भाताच्या पेजची सतत आठवण येत होती. मग राजाभाऊंनी आपली सद्यस्थिती लक्षात घेता जरा हलकेसे खाण्याचा निश्चय केला. मात्र  हे मनोबल जेवणाच्या शेवटी डेजर्ट खाण्याची वेळ आली तो पर्यंत टिकले नाही ही गोष्ट वेगळी. 

चालायचंच.