दि फ्रेंडस युनियन जोशी क्लब

 ह्या जगमगाटी, दिखावु, चमचमीत, मसालेदार दुनियेत अजुन पर्यंत काहे भोजनगृह आपले साधेपण टिकवुन आहेत आणि म्हणुनच ते साध्या सरळ स्वभावाच्या राजाभाऊंना प्रिय आहेत. 

गेले कित्येक महिने या "दि फ्रेंडस युनियन जोशी  क्लब" मधे गुजराथी थाळे जेवायला जाण्याचे राजाभाऊंच्या फार मनात होतं पण ही साधी इच्छा काही पुर्ण होता होत नव्हती. तो योग काल जुळुन आला. गाडी घेवुन या अफाट गर्दीच्या काळबादेबी विभागात शिरायचे कसे. ती कुठे उभी करायची या साऱ्या अडचणी त्यापुढे शुल्लक. 

साधे आणि रुचकर भोजन. मसालेदार, तिखटदार नसलेले, थाळीत उगीचच अनेक पदार्थांचा फाफटपसारा नसलेले खरे खुरे गुजराती पध्दतीचे जेवण.  हल्लीच्या या दिखावु दुनियेत गुजराती, गुजराती,  गुजराती  करत सरळसरळ पंजाबी पदार्थ सर्रास घुसळवुन दिले जातात, आपण नक्की काय जेवतो आहे हे कळेनासे होते.