भुइमुगा बाई शेंगा परिवार

 सौ. सुरंगा दाते यांनी ह्या वाफलेल्या शेंगावर एक चविष्ट कविता केली आहे. 

http://www.facebook.com/suranga.date

देशावरील पश्चिम महाराष्ट्रातील

भुइमुगा बाई शेंगा परिवार …

त्यातले काही ,

हाय-फाय भागात राहून,

मीठ वाफेचे फ़ेशिअल करून,

दक्षिण मुंबईच्या रस्त्यांसारखे

गुळगुळीत बनतात,

खोटी खारट आसवे गाळतात,

आणि चीनी मातीच्या ताटलीत

आराम करत

कोणाच्याहि आहारी सहज जातात …

आणि काही ,

खड्डया खड्डयानच्या रस्त्यावरून,

पुरा संसार एका सायकल वर घेउन

निघालेल्या फेरीवाल्याच्या बरोबर रहातात ,

आणि समुद्रावर

एका काळ्याकुट्ट गरम कढई मध्ये

आयुष्याचे चटके खाउन

इकडे तिकडे फिरत

मुंबईच्या आम जनते सारखे

धडपडत

कधी काळवंडतात,

कधी फुटतात ,

मग कालच्या वर्तमानपत्रात

न छापलेले , गुंडाळलेले

वृत्त बनतात

आणि

कुणाच्या तरी चेहर्यावर समाधान बनून

अंतर्धान पावतात