पंचतारांकीत हॉटेलमधे मिळणारे बुफे जेवण म्हणजे राजाभाऊंचे जीव की प्राण.
सध्या त्यांचे जीवाचे पुणे चालले आहे. नीअरबाय.कॉम वर राजाभाऊंना एक चांगली डील मिळाली, आणि ती ही महागाईच्या काळात. चक्क ५०% टक्के सुट. एकावर एक फ्री. मग काय राजाभाऊ पोचले विमाननगर येथील "द इटरी " ह्या फ़ोर पॉईंट्स बाय शेरेटॉन" मधल्या रेस्टॉरंटमधे.
कमी किंमतीच्या मुळॆ बुफे स्प्रेड तसा मर्यादीत होता पण जे काही होते ते अत्यंत चविष्ट होते. ह्या रेस्टॉरंटची अंतर्गत सजावट उत्कृष्ट आहे. मजा आली. सर्वात जास्त आवडले असेल तर ते फ्रुट सॅलड विथ कस्ट्रड. आधीच ते राजाभाऊंची आवडीचे, मग काय हाण गणप्या हाण.
जेवण खुप आवडले. येथे परत जायला खुप खुप आवडॆल पण हे रेस्टॉरंट घरापासुन खुप दूर असल्यामुळे ते कठीणच दिसते.
No comments:
Post a Comment