वॉर्ड

बसलोय शांतपणे

काहीच न करता

की काहीच न करणॆ हे ही काहीतरी करणे आहे

वसंत ऋतु येतो आणि

फुले बहरतात

स्वःताहुन

डॉंक्टरांच्या कंन्सल्टींग रुम बाहेरील प्रतिक्षागृहात बसलोय, वाट पहात आपला क्रमांक केव्हा येतो याची, लांबत चाललेला प्रतीक्षाचा काळ. जीवघेणा काळ, तो ही किती लांबावा ? तीन तास, चार तास ? तो पर्यंत जीव टांगणीला.

महागड्या, अती महागड्या , अत्याधुनिक चाचण्या करुन झालेल्या, रोगापेक्षा रोगाचे निदान करायला लागणाऱ्या या सर्व चाचण्या जास्तच तापदायक रुग्णासाठी.

चाचण्यांचे निदान दाखवायला आणलयं. या भल्या मोठाल्या चाचण्यांचे निदान काय तर ’ नरो वा कुंजरवा’ .

हे ही असु शकते किंवा ते ही असण्याची शक्यता असावी. सगळाच संशयास्पद मामला.

या निदानाचे निदान करण्यासाठी अजुन काही चाचण्या करायला लागतील. ही डॉ. मंडळी रोग्यातला माणसावर उपचार करत असतात का केवळ रोगावरच तेच जाणो !

तो पर्यंत केवळ प्रश्नचिन्हे. बस्स.